Sunday, August 19, 2012

ချစ်သူဖတ်ဖို့(၁)



တစ်နှစ်နေလို့
နင်နဲ့ငါ မျက်နှာချင်းဆိုင်ရမယ့်ရက်
ဘယ်နှစ်ရက်များရှိလို့လဲ။
တစ်ပတ်လုံးနေလို့
နင်နဲ့ငါ ဖုန်းပြောခွင့်လေး
ဘယ်မှာရှိလို့လဲ။
နေ့ရက်တိုင်း အားမာန်အပြည့်နဲ့
ရှေ့ဆက်နေတဲ့ နင့်ကို စိတ်ကူးမိရုံနဲ့
ငါ့ကို အချိန်လေးနည်းနည်းပေးပါလို့ ဘယ်မှာတောင်းဆိုရက်ပ့ါမလဲ
(တကယ်တော့ တောင်းဆိုခွင့် မရှိခဲ့တာပါ။)
နယ်ခြားနေတဲ့ ငါတို့အချစ်တွေ
အထူးသဖြင့် ငါ့အချစ်တွေပေါ့ဟာ
အဲဒီအချစ်တွေကို သက်သေပြနိုင်ဖို့
ငါကြိုးစားမိတဲ့ နည်းလမ်းလေးက
နင့်ကို သတိရတိုင်း ဝယ်ပေးမိတဲ့ လက်ဆောင်တွေပဲ
အဲဒီလက်ဆောင်က
ကျောက်စရစ်ခဲလေးတစ်လုံးလည်း ဖြစ်ချင်ဖြစ်မယ်။
ချောကလက်တစ်ခဲလည်း ဖြစ်ချင်ဖြစ်မယ်။
ဟန်းဆက်တစ်လုံးလည်း ဖြစ်ချင်ဖြစ်မယ်။
ဒါပေမယ့်
ငါ့လက်ဆောင်တွေကိုတော့ ဒေါ်လာတွေ မြန်မာကျပ်တွေနဲ့
တန်ဖိုးဖြတ်မကြည့်ပါနဲ့….
နှလုံးသားတစ်ခုရဲ့တန်ဖိုး
လွမ်းဆွတ်မှုရဲ့တန်ဖိုး ဆိုတာ ငါတို့နေ့တိုင်းသုံးရတဲ့
Accounting Software မှာလို
Exchange rate တွေထည့်မှ တိကျတဲ့အဖြေထွက်လာတာမျိုးမဟုတ်ဘူးလေ
ပြီးတော့
နင့်အတွက် ငါ့လက်ဆောင်ဟာ
နင့် ပခုံးပေါ်တင်ပေးလိုက်တဲ့
အသွားအပြန်ရှိရမယ့်
ဝန်ထုပ်ဝန်ပိုး မဟုတ်ဘူးနော်…
ဒီအတိုင်း
ငါ့အချစ်တွေက ရိုးရိုးလေး
ငါ့သတိရခြင်းတွေက ရိုးရိုးလေး
ငါ့ရူးသွပ်ခြင်းတွေက ရိုးရိုးလေး
နင်နဲ့ပတ်သက်ရင် အရာရာ ငါက ရိုးရိုးလေးပါ….
ဒီတော့
နင့်အချစ်တွေကို ပြန်သက်သေပြချင်ရင်
ငါ့ဆီက မက်ဆေ့ချ်တွေဖတ်ပြီး တိုးတိုးတိတ်တိတ်ပြုံး
အဝေးတစ်နေရာမှာ  နင့်ကို ရူးလောက်အောင် ချစ်တဲ့
ငါရှိနေတာကို အသိအမှတ်ပြုပေး….
ဒီလောက်နဲ့တင် ငါကျေနပ်ပါတယ်…
ချစ်သူသိရဲ့လား
လက်ဆောင်တစ်ခုရဲ့တန်ဖိုးဟာ
ဈေးနှုန်းနည်းတာ များတာနဲ့မဆိုင်ဘဲ
ပေးသူရဲ့ သတိတရရှိမှု
လက်ခံသူရဲ့ အမြတ်တနိုးထားတတ်မှုတွေနဲ့သာ
သက်ဆိုင်တာပါ……..။     ။
(လက်ဆောင်ပေးတိုင်း ရန်ဖြစ်ရတဲ့ ချစ်သူအတွက်အမှတ်တရ)
ရိုးမြေကျ (17.8.2012, 2 pm)

5 comments:

Phyu Lwin said...

ကဗ်ာေလးက ခ်စ္စရာေလး.. ရန္ျဖစ္လိုက္ျပန္ခ်စ္လိုက္ေပါ့

မိုးညခ်မ္း said...

“နင္နဲ႕ပတ္သက္ရင္ အရာရာက ငါ့အတြက္ တစ္ကယ္ကို ရိုးရိုးေလးပါ….” ... ကဗ်ာေလးကို အားေပးသြားတယ္ေနာ္ မမ ... :)

လြင္ျပင္လႈိင္းငယ္ said...

ေခါင္းစဥ္က ခ်စ္သူအတြက္ဆိုေပမယ့္ ကဗ်ာေလးကေကာင္းေတာ့
အကိုလဲ မဆီမဆိုင္လာေရာက္ခံစားသြားပါတယ္ ဟိ စတာပါ ကဗ်ာေလးေကာင္းတယ္

ျမတ္နိူးသူ(MUFL) said...

နင့္အတြက္ ငါ့လက္ေဆာင္ဟာ
နင့္ ပခံုးေပၚတင္ေပးလိုက္တဲ့
အသြားအၿပန္ရွိရမယ့္
၀န္ထုပ္၀န္ပိုး မဟုတ္ဘူးေနာ္…
ဒီအတိုင္း
ငါ့အခ်စ္ေတြက ရိုးရိုးေလး
ငါ့သတိရၿခင္းေတြက ရိုးရိုးေလး
ငါ့ရူးသြပ္ၿခင္းေတြက ရိုးရိုးေလး
နင္နဲ႕ပတ္သက္ရင္ အရာရာ ငါက ရိုးရိုးေလးပါ
အရမ္းေကာင္းတယ္အမအားေပးသြားပါတယ္ေနာ္

ျမတ္ပန္းႏြယ္ (Myat Pan Nwe) said...

တန္ဖိုုးဆိုုတာ ကိုုယ္ရရွိလိုုက္တဲ႔ အရာ။
တန္ေၾကးဆိုုတာ ကိုုယ္ေပးလိုုက္ရတဲ႔ အရာ။

တစ္ခ်ိဳ႕က ေထာင္ေသာင္းသိန္းခ်ီ ေပးလိုုက္ရေပမယ္႔ ရင္မွာ လိႈက္လိႈက္လွဲလွဲ ခံစားလိုု႔ မရေတာ႔ အလကား ျဖစ္ရတယ္။

တစ္ခ်ိဳ႕ကာ က်ပ္ဆယ္ရာ ဂဏန္းပဲ ေပးလိုုက္ရေပမယ္႔ ကိုုယ္က ျမတ္ႏိုုးႏွစ္သက္သြားရင္ ရင္မွခံစားရတဲ႔ၾကည္ႏူးမႈက ႏိႈင္းယွဥ္အဖိုုးျဖတ္လိုု႔မရ။

Post a Comment

ဟိတ် အမယ်မယ် တိုးတိုးတိတ်တိတ်ပဲ စာဖတ်သွားဖို့မကြံနဲ့။ တခုခုတော့ ပြောခဲ့ပါဦး။