Friday, February 22, 2013

မယ့်စာအုပ် ဓားပြတိုက်ခံရခြင်း(မယ့်ကိုးသို့ အိတ်ဖွင့်ပေးစာ)


မယ့်
          လွန်ခဲ့တဲ့ (၁၀)ရက်လောက်က မယ့်ရဲ့ “အသင်နားမလည်နိုင်သော မိန်းမတစ်ယောက်”ကို ကျနော်နဲ့ အရမ်းခင်တဲ့အစ်မတစ်ယောက်လိုချင်လို့ မုံရွာမြို့ရဲ့ စာအုပ်ဆိုင်တွေမှာ တစ်ဆိုင်ဝင်တစ်ဆိုင်ထွက် လိုက်ရှာခဲ့မိတယ်။ ကျနော့်ရဲ့ အားထုတ်မှုဟာ အချည်းအနှီးပါပဲ။ ဘယ်လိုမှရှာမရတဲ့အဆုံး မန်းလေးမှာ ကျောင်းတက်နေတဲ့ ညီမဝမ်းကွဲတစ်ယောက်ကို မှာရတယ်။(ကျနော့်အတွက် တစ်အုပ်၊အစ်မအတွက် တစ်အုပ်ပါ။) (၁၉.၂.၁၃) ကတော့ ညီမဝမ်းကွဲက နဂါးစာပေကနေ ဝယ်ပြီးသွားပြီဆိုတဲ့ သတင်းစကားလေးက ကျေနပ်စရာပါ။ (၂၀.၂.၁၃)မှာ ညီမလေးက အဒေါ်ရဲ့ မိတ်ဆွေလူကြုံနဲ့ စာအုပ်လေးနှစ်အုပ် ထည့်ပေးလိုက်ပါတယ်။ (အဒေါ့်မိတ်ဆွေက မိုးညှင်းသံမ္ဗုဒ္ဓေရွာမှာ နေတာပါ။မုံရွာမြို့နဲ့ မိုးညှင်းရွာက အနည်းဆုံး ၆မိုင်လောက်တော့ဝေးပါတယ်။) အဲဒီအန်တီကြီးက ညမိုးချုပ်မှ မန်းလေးက ပြန်ရောက်မှာဆိုတော့ စာအုပ်ကို ချက်ချင်းမရခဲ့ဘူး။ (၂၁.၂.၁၃) မှာတော့ ကျနော့် အဒေါ်က သူ့မိတ်ဆွေဆီသွားယူပေးမယ်ပြောတဲ့ စကားကို ယုံစားမိလိုက်တယ်။ အဲဒီညနေက ရုံးကနေ အိမ်ပြန်ရောက်တော့လဲ မယ့်စာအုပ်ကို မတွေ့ရဘူး။ သွားမယူရသေးဘူးဆိုတဲ့ စကားနဲ့ပဲ ကျေနပ်လိုက်ရတယ်။ ဒီနေ့(၂၂.၂.၁၃)မှာ ဆက်ဆက်သွားယူပေးမယ်ဆိုတဲ့ အဒေါ့်ကတိစကားမှာ ထပ်ပြီး မှိုင်းမိခဲ့ပြန်တယ်။ ဒီနေ့ညနေပဲ ရုံးကနေ အိမ်ပြန်ရောက်တော့ စာအုပ်အကြောင်းမေးလိုက်တာ မယူရသေးဘူးတဲ့။ မယ့်စာအုပ်နဲ့ တစ်မြို့ထဲ ရှိနေရပေမယ့်  နှစ်ည တိတိ ခွဲအိပ်လိုက်ရတယ်။ ကျနော်မကျေနပ်ဖူး။ တကူးတက မန်းလေးက မှာထားရတဲ့စာအုပ်ကို။ ဖေဖေ့ပြောစကားအရ အဲဒီအန်တီကြီးရဲ့ သားက စာအုပ်ကို ကြိုက်လွန်းလို့ တစ်အုပ်ဝယ်ဖတ်လိုက်တယ်တဲ့။ မနက်ဖြန် မုံရွာလာရင် ယူခဲ့မယ်တဲ့။ အဒေါ်က ဖေဖေကနေတစ်ဆင့်မှာလိုက်တာ။
    အဲဒီမှာ ဇာတ်လမ်းစတာပဲ မယ့်။ ကျနော့်မှာ စာအုပ်တွေနဲ့ ပတ်သက်တဲ့ ဆိုက်ကို တစ်ခုရှိပါတယ်။ အဲဒါကတော့ ဘယ်သူဖြစ်ဖြစ် (ကျနော်က ကျေကျေနပ်နပ် ခွင့်ပြုထားတဲ့သူမဟုတ်ရင်)ကျနော်မှာထားတဲ့ စာအုပ်ကို ကျနော် မဖတ်ရသေးခင်မှာ အရင်ဆုံးဖတ်ရင် အဲဒီလူကို အလိုလို မုန်းတီးသွားတတ်တာပါပဲ။ ကျနော့်ဆီက စာအုပ်ငှားထားပြီး ပြန်မပေးရင် ကျနော့်စာအုပ်တွေဖတ်ပြီး စာရွက်တွေ ခေါက်ထားတတ်ရင် ကျနော်က အဲဒီလူကို အလိုလို မျက်မုန်းကျိုးတတ်တဲ့ ဆိုက်ကိုပါ။ အခုလဲ ဖတ်ပြီးကြိုက်လွန်းလို့ တစ်အုပ်ဝယ်လိုက်ရတယ်ဆိုတဲ့ စကားက ကျနော့် ဆိုက်ကို ကို လှုပ်နှိုးတယ်။ ဒါနဲ့ ချက်ချင်းပဲ ဖေဖေ့ကို “သမီးမှာထားတဲ့စာအုပ်ကို သမီးထက်ဦးအောင်အရင်ဖတ်ရင် သမီးမကြိုက်ဖူး။မိုးညှင်းသွားမယူနိုင်ရင်လဲ သမီးဟာသမီး စာအုပ်ဆိုင်သွားပြီး ထပ်ဝယ်လိုက်မယ်။” လို့ပြောပြီး ချက်ချင်းပဲ ဆိုင်ကယ်နဲ့ မုံရွာမြို့ရဲ့ စာအုပ်ဆိုင်တွေကို ထပ်သွားတယ်။ ရောက်လောက်ပါပြီဆိုတဲ့ ကောက်ရိုးတစ်မျှင် မျှော်လင့်ချက်နဲ့ပါ မယ့်။ အောင်မင်္ဂလာစာပေ၊ ချင်းတွင်းအိမ်စာပေ၊ အဓိပတိစာပေ၊ ရွှေတေးသံစာပေ တစ်ဆိုင်ဝင် တစ်ဆိုင်ထွက်မေးပေမယ့် မရောက်သေးဘူးဆိုတဲ့ စကားတွေနဲ့ ရောင့်ရဲခဲ့ရတယ်။ စိတ်တိုလွန်းလို့ မျက်ရည်တောင် ဝဲမိတယ်။ လိုချင်တဲ့ စာအုပ်မရရင် မုံရွာကို စိတ်နာပါတယ်။
စာအုပ်ဆိုင်ကနေပြန်ရောက်တော့ အဒေါ့်ဆီ ဖုန်းဆက်တယ်။ အဒေါ်က ဖုန်းပိတ်ထားတော့ ပိုစိတ်တိုဒေါသထွက်လာပြီး သူ့အိမ်သွားစောင့်နေမိတယ်။အကြောင်းက ချက်ချင်းပဲ မိုးညှင်းကို စာအုပ်သွားယူဖို့ပါ။ အချိန်က ညနေ(၆)နာရီလောက်ပါ။ အဒေါ်က သူ့ကလေးတွေ ကျောင်းပို့ကျောင်းကြို ထမင်းကျွေးလုပ်နေတာကို စိတ်ရှည်လက်ရှည်ထိုင်စောင့်နေရတယ်။ သူ့ကိစ္စတွေပြီးလို့ မိုးညှင်းသွားမယ်ဆိုပြီး နာရီကြည့်လိုက်တော့ ည(၇)နာရီခွဲနေပြီ။ “ဇွတ်။ဇွတ်။ဇွတ်ပဲ။မနက်ဖန်မနက်ရမှာကို မစောင့်နိုင်ဘူးလား။” ဆိုတဲ့ စကားအဆုံးမှာ “မစောင့်နိုင်ဘူး။ (၂)ရက်စောင့်ခဲ့ပြီးပြီ။” လို့ ဂျစ်တစ်တစ်လုပ်ရင်း ဆိုင်ကယ်နဲ့ မိုးညှင်းရွာကို ထွက်ခဲ့မိတယ်။
   တစ်ခါမှ မမြင်ဖူးသေးတဲ့ အန်တီကြီးကို စာအုပ်ဦးဦးဖျားဖျားဖတ်ထားလို့ စိတ်ထဲက အစာမကြေဖြစ်ရင်း သူ့အိမ်ရောက်သွားခဲ့တယ်။ အိမ်ဝင်းလေးထဲ ဝင်ဝင်ချင်း သစ်ခွပန်းတွေ နှင်းဆီပင်တွေ တွေ့လိုက်ရတော့ ပန်းတွေကို မပြုစုတတ်ပေမယ့် ချစ်တတ်တဲ့ ကျနော်က အဲဒီအန်တီကြီးကို ခွင့်လွှတ်ချင်စိတ်ပေါက်သွားပေမယ့် ရောက်ရောက်ချင်း ဆောက်နဲ့ထွင်းဆိုသလို သူ့စကားကြောင့် ချက်ချင်းပဲ ပြန်မျက်မုန်းကျိုးသွားမိတယ်။ “ဘာအရေးကြီးနေလို့ ညကြီးလာယူရတာလဲ။ ဘာစာအုပ်မို့လို့လဲ။အရေးတကြီး နိုင်လိုက်တာ။” ဆိုတဲ့ အန်တီကြီးရဲ့ စကားအဆုံးမှာ ကျနော့် ဒေါသတွေက အလိပ်လိပ်တက်လာတယ်။ ကျနော်မှာထားတဲ့ စာအုပ်ကို ကျနော်သွားယူတာ ဘာကိုယ်ကျင့်တရားများ ဖောက်ဖျက်နေလို့လဲ မယ့်ရယ်။ သူတို့ကို နှောင့်ယှက်တဲ့အပြုအမူလို့ပြောရအောင်လဲ ကျနော်သွားတဲ့ အချိန်က သန်းခေါင်ကျော်မှ မဟုတ်သေးတာ။ ကျနော့်အဒေါ်ကတော့ စာအုပ်တွေနဲ့ ပတ်သက်ပြီး ကျနော့်အကြောင်းသိနေတာဆိုတော့ စကားတွေနဲ့ ဖာထေးလို့ သူ့မိတ်ဆွေကို။ အခန်းထဲက ထွက်လာပြီး ကျနော့်လက်ထဲ ထည့်လိုက်တဲ့ စာအုပ်က တစ်အုပ်တည်းရယ်။ နှစ်အုပ်မှာထားတာလေလို့ ကျနော်ပြောလိုက်တော့ ခပ်တည်တည်ပဲတစ်အုပ်က ကြိုက်လို့ယူထားလိုက်တာ။(ဒါဆို သူ့သားဝယ်ဖတ်တယ်ဆိုတဲ့ စာအုပ်က ဘာလဲလို့ စိတ်ထဲကပဲမေးမိတယ်။) မနက်ဖန် မန်းလေးက လူကြုံနဲ့ မှာထားတဲ့ စာအုပ်ရောက်မှ နောက်တစ်အုပ်ယူပါတဲ့။ ကျနော် နားလည်လိုက်ပါပြီ။ ကျနော် ခက်ခက်ခဲခဲ ရှာဝယ်ထားရတဲ့ စာအုပ်ကို အေးအေးဆေးဆေး ဓားပြတိုက်သွားတာပါ။ လူကြုံယူလာပေးရခြင်းဆိုတဲ့ ထောက်ထားစရာ အချက်သာ ရှိမနေရင် ဒီညမှာ ကျနော်အရိုင်းအစိုင်းတစ်ယောက်လို ပြုမူမိမှာပါ။ ကျနော်ဟာ စာအုပ်တွေနဲ့ ပတ်သက်ရင် ဆိုက်ကို တစ်ယောက်ပါ။ လူယဉ်ကျေးဆိုတဲ့ ခေါင်းစဉ်အောက်မှာ ပီပီပြင်ပြင် သရုပ်ဆောင်နိုင်ဖို့ မပီပြင်တဲ့ အောင့်သက်သက် အပြုံးတစ်ပွင့်တော့ ချကျွေးခဲ့ပါသေးတယ်။
လက်ထဲရောက်လာတဲ့ မယ့်စာအုပ်လေးကို ဖွဖွလေးကိုင်ကြည့်မိတယ်။ ဘေးလူတွေအမြင်မှာတော့ ကျနော့်ကို အရူးတစ်ယောက်လို့များ သတ်မှတ်ကြမလားမသိပါဘူး။ စာအုပ်ကို ဆိုင်ကယ်ခြင်းထဲ ထည့်ခဲ့ရမလားလို့ အဒေါ်ကမေးတာကို စာအုပ်ပွန်းသွားမှာဆိုးလို့ လက်ကပဲ ကိုင်ခိုင်းခဲ့ပါတယ်။ မယ့် ကျေနပ်ပါ။ မုံရွာကို ပြန်ရောက်တဲ့ အချိန်ဟာ ည(၈)နာရီခွဲပါ။ ခက်ခက်ခဲခဲနဲ့ ရှာဝယ်ထားရတဲ့ စာအုပ်ဆိုတော့ မယ့်အရေးအသားတွေဟာ ကျနော့်နှလုံးသားကို ကိုင်လှုပ်နိုင်မှာပါ။
   ကျနော့်ကိုယ်ကျနော် မိတ်ဆက်ပါရစေ။ ကျနော်ဟာ မြန်မာနိုင်ငံထဲက မြို့သေးသေးလေးမှာနေတဲ့ ဘာမှ မကြီးကျယ်မအောင်မြင်သေးတဲ့ လူငယ်တစ်ယောက်ပါ။ အတွေးအခေါ်တွေလဲ မရင့်ကျက်သေးပါဘူး။ ဒါပေမယ့် စာပေကို ချစ်မြတ်နိုးပါတယ်။ နေ့တဓူဝရှင်သန်နေရတဲ့ ကျောင်းသင်ခန်းစာတွေနဲ့ လုပ်ငန်းခွင်ဖိစီးမှုတွေက ခေတ္တခဏသွေဖယ်ကြည့်ဖို့ ဖေ့ဘုတ်မှာ ကျနော် group ဖွဲ့ပြီး ဖတ်ထားတဲ့စာတွေအပေါ် ပွင့်ပွင့်လင်းလင်းဆွေးနွေးကြည့်ဖို့ သူငယ်ချင်းတစ်ယောက်နဲ့ တိုင်ပင်ထားပါတယ်။ ကျနော် ဆရာကြီး မဟုတ်ပါဘူး။ ရင်ထဲရှိတဲ့ အမြင်လေးတွေဖလှယ်ချင်ခြင်းရယ်၊ စိတ်ဖိစီးမှုလျော့ပါးချင်ခြင်းရယ်ကြောင့်ဆိုတဲ့ ရည်ရွယ်ချက်သေးသေးလေးပဲ ရှိပါတယ်။ group ကို closed group လုပ်ရမလား secret group လုပ်ရမလား မဝေခွဲနိုင်သေးလို့ရယ် ဖတ်ထားတဲ့ စာအုပ်က လောလောဆယ်မရှိသေးလို့ရယ်ကြောင့် အကောင်အထည်မဖော်ဖြစ်သေးတာပါ။ တကယ်တော့ ကိုယ့်ကိုယ်ကို စာဖတ်ဖြစ်အောင် တွန်းအားတစ်ခုလုပ်ချင်ခြင်းဆိုလဲ မမှားပါဘူးလေ။ ဒီရုံးပိတ်ရက်မှာ မယ့်စာအုပ်ကို အေးအေးဆေးဆေးဖတ်ကြည့်ပြီးရင် စာအုပ်အပေါ် ခံစားရတာလေးတွေကို group လေးမှာ topic တစ်ခုအနေနဲ့ ဦးဦးဖျားဖျား တင်ပါရစေလို့ ခွင့်ပန်ရင်း ဒီညတော့ မယ့် စာအုပ်နဲ့တူတူအိပ်လိုက်ပါဦးမယ်။
      ကျနော် ပင်ပန်းနေပြီ မယ့်။
  စကားမစပ် ဂျူးရဲ့ ချစ်သူလား စကားတစ်ပွင့်ပွင့်ခဲ့တယ် စာအုပ်တုန်းကလဲ မုံရွာကို အကြီးအကျယ်စိတ်ပျက်ခဲ့ဖူးတယ်။ အခုလဲ ဖေ့ဘုတ်မှာ အစ်မမိုးငွေ့က မယ့် စာအုပ်လေးအကြောင်း တက်ဂ်ပေးထားပေမယ့် အဲဒီရက်တွေတုန်းက ရန်ကုန်မှာ training တက်နေရတော့ ဖေ့ဘုတ်ပို့စ်တွေကို သေသေချာချာ မဖတ်ခဲ့မိတဲ့ ကျနော့်ကို ကျနော်တောင် အမြင်ကပ်မိပါတယ်။ တကယ်လို့သာ အဲဒီတုန်းက အစ်မမိုးငွေ့ တက်ဂ်ထားတာကို မိမိရရဖတ်မိခဲ့ရင် မယ့် စာအုပ်ကို ရန်ကုန်က ချက်ချင်းဝယ်လာလို့ရပါတယ်။ ခုတော့ ကျနော့်အတွက် စာအုပ်ရဖို့ အရမ်းခက်ခဲခဲ့တာပဲ။ သေချာပါတယ် ဒီခက်ခဲတဲ့အခြေအနေတစ်ခုကြောင့် ကျနော့် နှလုံးသားကို ကိုင်လှုပ်တော့မယ့်အရေးအသားတွေ ဖြစ်နေမှာ။ ဒီရက်ပိုင်းမှာ မယ့်ကိုးကို လက်ခံနိုင်ဖို့ မယ်ကိုးကို ပြန်ရှာဖွေနေမိတယ်။
မယ့်ကို နားလည်ဖို့ကြိုးစားနေတဲ့
ရိုးမြေကျ
စာရေးပြီးချိန် ည(၁၀)နာရီ
၂၂.၂.၁၃











26 comments:

မယ္႔ကိုး said...

တကယ္စိတ္မေကာင္းပါဘူး ညီမေလးရယ္။ ဖတ္ၿပီးဝမ္းသာဝမ္းနည္းခံစားရပါတယ္။ စာအုပ္ကို တစ္ႏုိင္ငံလံုးမျဖန္႔ခ်ီႏုိင္တာ အစ္မ အျပစ္ပါ။ ဒါေပမယ္႔ စာအုပ္ကေလးဖတ္ၿပီး ညီမေလး ပင္ပန္းရက်ိဳးနပ္ပါေစလုိ႔ ေမွ်ာ္လင္႔ပါတယ္။

Anonymous said...

အဟဲ တိတ္တိတ္ေလးျပန္မလို႕။ မယ္႔ကိုး သည္ ညီမေလးရင္ထဲတြင္ လႊမ္းမိုးတဲ့ ငါးေယာက္ေၿမာက္ မိန္းမသား ျဖစ္ပါေစလို႕။

ေလးစားစြာျဖင့္
လရိပ္အိမ္

Cameron said...

ျဖစ္ရေလ ညီမရယ္ ေနာက္ဆို အမဆီစာေရးလိုက္ပါ လိပ္စာအတိက်ေပး လိုခ်င္တဲ႔စာအုပ္ကို ၀ယ္ပို႔ေပးမယ္ coralnyo@gmail.com

Yoemyaykya said...

ဟုတ္ကဲ့မမမိုးေငြ႕။ ဒီတစ္ခါ မယ့္စာအုပ္ကလဲ တကယ္ခက္ခက္ခဲခဲ ရယူခဲ့ရတာပါ။

roseayemaung said...

လာေရာက္ခဲ့ပါတယ္...

Phyu Lwin said...

ဖတ္ျပီး စိတ္ေတာင္မေကာင္းဘူး.. အဲေလာက္ခက္ခက္ခဲခဲရွာလိုက္ရတာ.. လက္ေဆာင္ရမယ့္ အစ္မဆို ပိုေတာင္စိတ္ေကာင္းမွာမဟုတ္ဘူး..။ လူၾကံဳယူလာေပးတဲ့အေဒၚကလဲ စာအုပ္ေတြကို ခ်စ္တတ္တဲ့သူမ်ိဳးမဟုတ္ပဲ.. သာမာန္ပစၥည္းတစ္ခုလုိ သေဘာထားလို႔လဲ ဒီလိုျဖစ္သြားတာပါ။ သူ႔စိတ္ထဲမွာ စာအုပ္ကေပးတဲ့ ရသရဲ႕ ေငြေၾကးနဲ႔ တန္ဖိုးျဖတ္လို႔မရတာကို မေတြးမိဘဲ စာအုပ္တန္ဖိုးေငြကိုပဲ ျမင္တတ္တဲ့စိတ္ေၾကာင့္လဲ ဒီလိုျဖစ္တာေပါ့။ စိတ္၀င္စားတာက ဒီစာအုပ္က ေတာ္ေတာ္ရသ တစ္ခုခုပါေအာင္ ေရးထားတာမ်ိဳးျဖစ္မယ္.။ ေတြ႔ေတြ႔ခ်င္း ဖတ္ခ်င္သြားျပီး ၀ယ္ခ်င္စိတ္ေပါက္သြားတဲ့ အေဒၚၾကီးရဲ႕သားအျဖစ္ကို ျမင္ေတာ့ ေတြးမိတာ..။ စာအုပ္ရမယ့္ အစ္မေတာ့ ရင္ခုန္ေနေလာက္ျပီ :)

ေႏြေတးရွင္ (မင္းဧရာ) said...

မယ့္ကိုးသို႔ အိတ္ဖြင့္ေပးစာကို ဖတ္ခဲ့ပါတယ္
စာအေရးအသား ေကာင္းတာကို သတိထားမိရဲ႕ ။

စာေပကိုျမတ္ႏိုးတာ လူကိုေကာင္းက်ိဳးျဖစ္ေစပါတယ္။

Anonymous said...

big big hug....

regds...

Anne

P.S : i love books too

မိုးနတ္ၾကယ္စင္ said...

ဟင္းးးးးးးးးးးး
ေမာထွာ....ညေလးလဲ အဲ႔စာအုပ္သိပ္လုိခ်င္တာပဲ...
ညေလးတုိ႔ဆီမွာက အဲဒိစာအုပ္ကို ရွာဖို႔သိပ္ခက္တယ္ မ ရဲ႕....
အရင္လို ရန္ကုန္မွာ အျမဲေနျဖစ္ရင္ ကိစၥမရွိဘူးးးးးးးး
ခုက သင္တန္းလဲတက္ျပီးလုိ႔ နယ္ျပန္ေရာက္ေနေတာ႔
ေ၀းျပီေပါ႔ မယ္႔ရယ္...ဒါေပမဲ႔ ႏွဳတ္ေတာ႔ မဆက္လုိက္ပါဘူးးး
ညေလး လူၾကံဳနဲ႔ရေအာင္ မွာအံုးမွာမုိ႔ပါ...အင္းးးးးးးးးး
လူၾကံဳဆုိရင္ေတာ႔ ခပ္ေၾကာက္ေၾကာက္ရယ္....ေတာ္ၾကာ
မ လုိျဖစ္ေနမွျဖင္႔...မလြယ္ေရးခ် မလြယ္...ဒါထက္
စိတ္မေကာင္းတဲ႔ ၾကားထဲကေနပဲ မ ကိုခ်ီးမြမ္းစကားေျပာရအံုးမယ္
ဒီတစ္ခါ ပုိ႔စ္က မ စိတ္ထဲကေနတကယ္ခံစားခ်က္ျပင္းလုိ႔ ေရးတာမုိ႔လား
ဒါမွမဟုတ္ အရင္ကလုိ ေရးလက္ျပန္ေပၚလာျပီလား တခုခုပဲ
ညေလး စြဲလန္းခဲ႔ရတဲ႔ မ ရဲ႕ေရးလက္ပံုစံကုိ ျပန္ေတြ႔ရျပီ
စာေတြလဲ ေသခ်ာျပန္ေရးပါ မ (စိတ္ႏွစ္ျပီးေတာ႔ေလ) ေနာက္ျပီး
ကဗ်ာေတြလဲ ရင္ဘတ္ထဲထဲ႔ျပီး ေသခ်ာထုဆစ္ပါ...မ ကုိဆရာလုပ္တာ
မဟုတ္ရပါဘူးးးးးးး တခါတခါ လူေတြက ကုိယ္႔ရဲ႕ဖန္တီးႏုိင္စြမ္းပကားထက္
ေလွ်ာ႔ျပီး ဖန္တီးေနၾကတယ္...ဒါမွမဟုတ္ ေရာင္႔ရဲေနၾကတယ္
မ အလုပ္ေတြရွဳပ္ေနမယ္ ဒါမွမဟုတ္ တျခားကိုယ္ေရးကိုယ္တာ
ကိစၥေတြရွိေကာင္း ရွိေနမယ္ ...ဒါကို ညေလးနားလည္ပါတယ္..
ဒါေပမဲ႔ အဲ႔ဒါေတြေၾကာင္႔ေတာ႔ မရဲ႕ ဖန္တီးႏုိင္စြမ္းအားနဲ႔ ႏွလံုးသားကလာတဲ႔ လက္ရာေတြကို ေမ႔ေမ႔ေလ်ာ႔ေလ်ာ႔ မထားလိုက္ပါနဲ႔ ၊ သိပ္ႏွေျမာဖို႔
ေကာင္းပါတယ္.....မ စာအုပ္ေတြဖတ္ျဖစ္ေအာင္ ကိုယ္႔ကိုယ္ကို
ျပန္ျပီးၾကိဳးစားေနတယ္ဆုိလို႔ ညေလးနဲ႔တူတူပဲလုိ႔ ေတြးေနမိေသးတယ္
ညေလးလဲ ဒီရက္ထဲ ရွဳပ္လိုက္တဲ႔ အလုပ္ဗ်ာ...အားခ်ိန္ နားခ်ိန္ စားခ်ိန္
ေတာင္ မရသေလာက္ ...ဒါေပသိ ဘယ္ေလာက္ပဲ မအားပါေစ
ဘေလာ႔ေလးနဲ႔ ေမာင္ႏွမေတြရဲ႕ အိမ္ေလးေတြကို ပစ္မထားဘူးးးးးး
အဲလုိပဲ စာေတြလဲ ျပန္ဖတ္ျဖစ္ေအာင္ၾကိဳးစားေနတယ္...
ဒုိ႔ညီအစ္မေတြ အခ်ိန္ေပးျပီး စာျပန္ဖတ္ၾကရေအာင္ေနာ္..ခ်စ္မ
အာဂ်ား အာဂ်ား ဖုိက္တင္းးးးးးးးးးးးးးးးး
ခ်စ္တဲ႔....မိုးနတ္

(ဖဘမွာ မဆံုႏုိင္ေသးတာေတာ႔ မေျပာနဲ႔ မ ေရ...
ညေလးက ဖဘ ထက္ ဘေလာ႔ကုိ ပိုျပီးဦးစားေပးေတာ႔
ေနာက္ျပီး ဖဘလဲ ျဖတ္ခ်င္ေနေတာ႔ ခု သိပ္မသံုးဘူးးးးးးး
ဒါေပသိ အခ်က္အလက္ျမန္ဆန္မွဳရယ္....ပိုျပီးရင္းႏွီးလြယ္မွဳရယ္
မွာေတာ႔ ဖဘ က ထိပ္ပဲ အာ႔ေၾကာင္႔ သူ႔ကုိလက္မလႊတ္ႏိုင္ေသးဘူးရယ္
ျပီးေတာ႔ သူ႔ေၾကာင္႔လဲ ဘေလာ႔က ေမာင္ႏွမေတြကို ဓါတ္ပံုထဲမွာ
ေတြ႔ဖူးႏုိင္တာေလ :)))

မိုးနတ္ၾကယ္စင္ said...

ေအာ္ က်န္ေသးတယ္ မ ေရ....အရွည္ၾကီးေျပာျပီးတာေတာင္
က်န္ေသးတယ္ဆုိလို႔ မိမုိးနတ္ကို စကားအေတာ္မ်ားတဲ႔ေကာင္မေလးလုိ႔
မ တစ္ေယာက္ ျငိဳျငင္ရင္လဲ ခံပါ႔မယ္...မ ေၾကာင္႔ ဆရာမဂ်ဳးစာအုပ္ေတြ
ရွာဖတ္တဲ႔ အက်င္႔ရျပီးတဲ႔ေနာက္မွာ ညေလးတုိ႔ဆီက စာအုပ္ဆုိင္မွာ
မ ေျပာတဲ႔ ခ်စ္သူလား စကားတစ္ပြင့္ပြင့္ခဲ့တယ္ စာအုပ္ေလးေတြ႔လုိ႔
၀မ္းသာအားရဖတ္မယ္ဆုိျပီး ေတးထားခဲ႔တာ...ျဖစ္ခ်င္ေတာ႔ အဲ႔စာအုပ္
အရင္ ဆရာတကၠသိုလ္ ဘုန္းႏုိင္စာအုပ္ငွားထားလုိ႔ ေနာက္ေန႔မွ
ငွားဖတ္မယ္ဆိုျပီးထားခဲ႔လုိက္တာ...ေနာက္ေန႔က် စင္ေပၚမွာ
အဲ႔စာအုပ္မေတြ႔လုိ႔ စာအုပ္ဆုိင္က အမကုိေမးတယ္ ....အမ
သူမ်ားငွားသြားတာလားေပါ႔...အင္း ဟုတ္တယ္တဲ႔ ဒါနဲ႔ ညေလးလဲ
ဒီလိုပဲ တျခားစာအုပ္ေတြပဲ ငွားဖတ္ေနလိုက္တယ္ေပါ႔...ေဟာ
ေနာက္ေတာ႔ တလေသာ္လဲ ေပၚမလာ ႏွလၾကာလဲ ေပၚမလာနဲ႔
ေမးၾကည္႔ေတာ႔ လူခုိးသြားျပီျဖစ္မယ္တဲ႔ ေကာင္းေရာဗ်ာ...တုိက္တုိက္
ဆုိင္ဆုိင္ သူမ်ားဖတ္ခ်င္တဲ႔စာအုပ္မွဗ်ာ....မ သေဘာအရ ေျပာမယ္ဆုိ
ဆရာမဂ်ဳးစာအုပ္က်မွဗ်ာ....ဒါနဲ႔ လုိရင္းေျပာရရင္ အဲ႔စာအုပ္လဲ
ညားခါနီးမွ ေပ်ာက္သြားတဲ႔ သတုိ႔သမီးလို ညေလးခုထိမဖတ္ရေသးပါဘူး
ဘာေၾကာင္႔ဆုိ အဲ႔စာအုပ္က နဲနဲၾကာေနျပီဆုိေတာ႔ တျခားဆိုင္ေတြမွာလဲ
မရွိေတာ႔ဘူးေလ :(((
လူေတြမ်ား အက်င္႔မေကာင္းပံုက အဲလုိ :(((

mypersonalspace said...

group ကို closed လုပ္ေစခ်င္တယ္

Aunty Tint said...

တိုးတိုးတိတ္တိတ္ေလးဖတ္ၿပီး လစ္မလို႔ျပင္တုန္း စာေၾကာင္းေလးကို ျမင္လိုက္ေတာ့ လိပ္ျပာမလံုပဲ ျပန္၀င္လာခဲ့တယ္ ရိုးေျမက်ေရ း) မယ့္ကိုးတို႔လို စာေရးေကာင္းတဲ့ စာေရးဆရာျဖစ္ျဖစ္ ဘေလာ့ဂါေတြျဖစ္ျဖစ္ အရမ္းအားက်တယ္။ ေနာက္ၿပီး
ကဗ်ာေကာင္းေလးေတြ ဖတ္ရတိုင္းလည္း အားက်မိျပန္ေရာ :)
စိတ္ဓာတ္အစဥ္ၾကည္လင္ေအးျမပါေစကြယ္။

ေမတၱာျဖင့္
အန္တီတင့္

အလြမ္းျမိဳ႕ said...

မၾကီးလြမ္းတို႔လည္း ဖတ္ခ်င္ပါတယ္။အခြင့္မသာလို႔ အဆင္မေျပလို႔ ဒီတိုင္း
ေလးဘဲစိတ္ခံစားမွဳ႕ကို မ်ိဳသိမ့္ခဲ့ရတာေပါ့။ဖတ္ျပီးသူေတြကိုလည္း အားက်
လိုက္တာ။ကိုယ္ခ်စ္ျမတ္ႏိုး ကုိယ္တန္ဖိုးထားတဲ့ စာအုပ္ေလးနဲ႔ ေက်နပ္ပီတိ
ရရွိႏိုင္ပါေစ။အလြမ္းတို႔လည္း တစ္ေန႔ဖတ္ခြင့္ ဒီစာအုပ္ေလးကို ပိုင္ဆိုင္ခြင့္
ရရွိလာမယ္လို႔ ေမွ်ာ္လင့္ပါတယ္။

ခ်စ္ျခင္းအားျဖင့္
အလြမ္းျမိဳ႕

အိမ္မက္ေစရာ said...

ဆိုက္ကို ခ်င္းေတာ့ တူေနၿပီ..အိမ္မက္လဲ မယ့္စာအုပ္ကို စလံုးက ေန မွာေပးတဲ့သူ ရွိလို႔သာ ဖတ္ရတာ..ကိုယ္ခ်င္းစာတယ္ အရမး္ပဲ..

မင္းအရိပ္ said...

စာအုပ္ေတြအေပၚ အေလးထားမႈကုိ ေတြ႔မိတယ္ေနာ္
ဖတ္သြားပါတယ္ဗ်ာ
ဂရုေလးကေတာ႔ closed ပဲျဖစ္ျဖစ္ open ပဲျဖစ္ျဖစ္ secret ပဲျဖစ္ျဖစ္ စိတ္ေတာ႔၀င္စားမိတယ္ဗ်ာ
အရည္အခ်င္းမရွိေသာ္လည္းပဲေပါ႔ေနာ္
အဆင္ေျပရင္ေတာ႔ ဂရုေလးကုိ သိခ်င္မိသား

Thu said...

အဲ့စာအုပ္ကို အသူေတာင္ဟိုေန႔ကရာျပည့္ေရာက္ေတာ့ ရွာမိေသးတယ္
ေနာက္ခါအသူကုိ မွာလုိ႔ရပါတယ္... ကားဂိတ္ကပို႔ေပးရင္..ရတာပဲ
အရင္တုန္းက အသူသူငယ္ခ်င္းမံုရြာမွာခဏေနတုန္းကသူလုိတဲ့စာအုပ္ေတြကားဂိတ္ကသြားပုိ႔ေပးဖူးတယ္။ေနာက္ခါအသူကိုမွာေနာ္..

Unknown said...

ရိုးေၿမက်
စာပို.စ္ေလးဖတ္ၿပီးစိတ္မေကာင္းၿဖစ္မိတယ္
ဘာဘဲၿဖစ္ၿဖစ္က်န္းမာေရးဂရုစိုက္လို.
ကဗ်ာေတြစာေတြေရးနိုင္ပါေစ။
ခင္တဲ.အန္တီေလးေမခင္

Unknown said...

ရိုးေၿမက်
စာပို.စ္ေလးဖတ္ၿပီးစိတ္မေကာင္းၿဖစ္မိတယ္
ဘာဘဲၿဖစ္ၿဖစ္က်န္းမာေရးဂရုစိုက္လို.
ကဗ်ာေတြစာေတြေရးနိုင္ပါေစ။
ခင္တဲ.အန္တီေလးေမခင္

မိုးညခ်မ္း said...

ဖတ္ရင္းနဲ႕ စာအုပ္လူႀကံဳယူလာေပးတဲ့ အေဒၚႀကီးကို အသည္းယားလိုက္တာ မမရယ္ ... ညေလးဆီဖုန္းဆက္လိုက္တာ မဟုတ္ဘူး မမရယ္ ... ဝယ္ပို႕ေပးမွာေပါ့ ေနာက္ဆိုတစ္ခုခုလိုတာရွိရင္ ေျပာေနာ္ မမ ... :)

ခ်စ္စံအိမ္ said...

စာအုပ္ေတြကုိ အရမ္းခ်စ္ေၾကာင္းေပၚလြင္ပါတယ္ ညီမေရ စာေတြလည္းအမ်ားၾကီးေရးနိုင္ပါေစေနာ္

Unknown said...

က်ေနာ္လဲဖတ္ခ်င္လိုက္တာ။ း(

ဘ၀ကလဲဆိုးပါ့.. စာေပနဲ႔ခပ္ပါးပါးစည္းေလးျခားၿပီးေနေနရတဲ့ဘ၀ အေပၚၾကည့္ေတာ့ လြယ္လိုက္တာ.. ဒီရင္ထဲကသာ ခံစားခ်က္ေတြ တေငြ႕ေငြ႕ျဖစ္ေနတာ... း(

သူႀကီးမင္း (တုုံးဖလား) said...

တန္ဖုိးထားတဲ့ အရာမ်ား ရရွိဖုိ႔ ခက္ခဲတတ္သလုိ ခက္ခဲစြာရရွိတဲ့ အရာကိုမွ လူေတြက ပုိၿပီး တန္ဖုိးထားတတ္ၾကတာ ဓမၼတာဘဲ မဟုတ္လား။
အခုေတာ့..
မယ့္စာအုပ္အတြက္ အမွတ္တရ တန္ဖုိးထားစရာေလး ျဖစ္သြားတာေပါ့။
ေပ်ာ္ရႊင္ၾကည္ႏူးႏုိင္ပါေစ။

ေရႊအိမ္စည္ said...

ျပန္မလို႔ဟာကို ဒီစာေၾကာင္းေလးေတြ႔တာနဲ႔ ေကာက္ေရးမိျပီ
မယ့္ စာအုပ္ကို ႏွစ္သက္တာခ်င္းတူသလို လႊမ္းမိုးသြားတာခ်င္းလည္း တူမယ္ထင္တယ္။
အစ္မကေတာ့ တခ်ိဳ႔ စာေၾကာင္းေတြ အလြတ္ရတဲ့အထိပဲ...။

မယ္႔ကိုး said...

ညီမေလးရိုးေျမက်...

ေနေကာင္းတယ္ မဟုတ္လား။ညီမေလးေပ်ာက္ေနလို႔ သတိရလုိ႔လာလည္တာ။

ေႏြလ said...

အစ္မနဲ႔ ကၽြန္ေတာ္ တူညီတဲ႔ စိတ္တစ္ခုကို ေတြ႔လိုက္ရတယ္
ကၽြန္ေတာ္ အျမတ္တႏိုး ျဖစ္ရတဲ႔ အရာကို
ကၽြန္ေတာ္ ပထမဆံုး ကိုင္တြယ္ခြင္႔ရမွ
မဟုတ္ရင္ တစ္ေန႔လံုး ရာသီဥတု အေျခအေနမေကာင္းဘူး
ကၽြန္ေတာ္ကေတာ႔ အစ္မကို အရူးတစ္ေယာက္လို႔ မျမင္ဘူး
အစ္မသာ အရူးဆို ကၽြန္ေတာ္လည္း အရူးေပါ႔
ကၽြန္ေတာ္႔မွာလည္း အဲ႔ဒီလိုဆိုက္ကို ရွိတယ္
အစ္မမယ္႔ကိုး စာအုပ္ အစ္မသမီးစံက လက္ေဆာင္ေပးထားတယ္
ဒါေပမဲ႔ မဖတ္ရေသးဘူး
စာေမးပြဲျပီးမွပဲ ဖတ္ေတာ႔မယ္

Anonymous said...

အင္းးးး စာဖတ္ဝါသနာရွင္တစ္ေယာက္ကုိျမင္လုိက္ရတယ္
မယ္ကုိးစာအုပ္ကုိကၽြန္ေတာ္လည္းမဖတ္ဖူးေသးဖူး



ေမာင္ဘႀကိဳင္

Post a Comment

ဟိတ် အမယ်မယ် တိုးတိုးတိတ်တိတ်ပဲ စာဖတ်သွားဖို့မကြံနဲ့။ တခုခုတော့ ပြောခဲ့ပါဦး။