နင်ငါ့ကို တကယ်မချစ်ခဲ့ပါဘူး
နင့်ဂရုစိုက်မှုတွေကြောင့်
ငါထင်ယောင်ထင်မှားဖြစ်ခဲ့မိတာ
အဲဒီထင်ယောင်ထင်မှားကိုပဲ
အချစ်လို့ ငါကယုံကြည်ခဲ့တာ
ကိုယ်စိုက်ပျိုးတာကိုတော့ ကိုယ်ရိပ်သိမ်းရမှာပဲလို့
လွဲမှားစွာ မျှော်လင့်နေခဲ့မိတာ
အခုတော့ နင့်အတွက် ငါ တယုတယ ပျိုးခဲ့တဲ့
အချစ်ပျိုးခင်းမှာ
ငါ ပြန်ရိပ်သိမ်းနေရတာတွေက
နင့်အမုန်း ၊ နင့်ဥပေက္ခာတွေလား ချစ်ရသူ
ငါမရှိလဲ
နင့်ပြက္ခဒိန် အရင်အတိုင်းအသက်ဝင်နိုင်ပေမယ့်
နင့်ကော်ဖီရနံ့ အရင်အတိုင်း မွှေးပျံ့နိုင်ပေမယ့်
ငါကတော့
နင့်ဥပေက္ခာ ခါးခါးသီးသီးအောက်မှာ
ရှေ့ဆက်ရခက်နေတဲ့ နေ့ရက်တွေနဲ့
ငါ့နှလုံးသားတစ်ခုလုံး လောင်ကျွမ်းသွားလိုက်တာ
ငါကိုယ်တိုင် မငြိမ်းသတ်နိုင်ခင်လေး
ကျေးဇူးပြုပြီး
နင်နဲ့ငါ့ကြား
“မဖြစ်နိုင်ပါဘူး” ဆိုတဲ့ စည်းလဲ မခြားချင်ပါနဲ့
“သိပ်မျှော်လင့်မထားနဲ့” ဆိုတဲ့ စကားတစ်ခွန်းနဲ့လဲ
ဇာတ်သိမ်းခန်းမလုပ်ချင်ပါနဲ့။
တကယ်တမ်းသာ
ငါ့အချစ်တွေက
နင့်ကို ထိခိုက်စေခဲ့ရင်
နင့်ဂုဏ်သိက္ခာကို နိမ့်ပါးစေခဲ့မယ်ဆိုရင်
နင့်အနားမှာ
ငါကိုယ်ယောင်ဖျောက်ထားပေးပါ့မယ်…
အသံလှိုင်းမှာ
ဧရိယာပြင်ပရောက်အောင် နေပေးပါ့မယ်…
နေ့ရက်တိုင်းမှာ
အလွမ်းတွေကို
ကျေကျေနပ်နပ်ကြီး ထမ်းပိုးပေးထားပါ့မယ် ချစ်ရသူရယ်………….။ ။
ရိုးမြေကျ
(2.9.2012,10:30am)
4 comments:
ေန႕ရက္တိုင္းမွာ
အလြမ္းေတြကို
ေက်ေက်နပ္နပ္ႀကီး ထမ္းပိုးေပးထားပါ့မယ္ ခ်စ္ရသူရယ္……
ကဗ်ာေလးမွာ ခံစားခ်က္ေတြပါတယ္.. ၾကိဳက္တယ္ ညီမေလး
ေရးသားခ်က္ အရမ္းေကာင္း။
feel အျပည့္နဲ႕ခံစားသြားတယ္။
ကဗ်ာေလးေကာင္းမွေကာင္း
“မၿဖစ္ႏိုင္ပါဘူး” ဆိုတဲ့ စည္းလဲ မၿခားခ်င္ပါနဲ႕
“သိပ္ေမွ်ာ္လင့္မထားနဲ႕” ဆိုတဲ့ စကားတစ္ခြန္းနဲ႕လဲ
ဇာတ္သိမ္းခန္းမလုပ္ခ်င္ပါနဲ႕။
တကယ္တမ္းသာ
ငါ့အခ်စ္ေတြက
နင့္ကို ထိခိုက္ေစခဲ့ရင္
နင့္ဂုဏ္သိကၡာကို နိမ့္ပါးေစခဲ့မယ္ဆုိရင္
နင့္အနားမွာ
ငါကိုယ္ေယာင္ေဖ်ာက္ထားေပးပါ့မယ္…
အရမ္းေကာင္းတယ္အအေ၇ခံစားခ်က္အျပည္႕႔ပဲအားေပးသြားပါတယ္
Post a Comment
ဟိတ် အမယ်မယ် တိုးတိုးတိတ်တိတ်ပဲ စာဖတ်သွားဖို့မကြံနဲ့။ တခုခုတော့ ပြောခဲ့ပါဦး။