Friday, February 8, 2013

ချောကလက်သံယောဇဉ်



     အံဆွဲထဲက ချောကလက်ဗူးလေးကို မြင်တော့ သူ့ရင်မှာ အမျိုးအမည်တိတိပပ ပြော၍ မရနိုင်သော ဝေဒနာက အစပြန်ပေါ်လာသည်။ ဒီချောကလက်ဗူးလေးက ပိုင်ရှင်ဆီရောက်ပါ့မလားဆိုတာ သူ မဝေခွဲနိုင်။ ထိုချောကလက်ဗူးလေးသည် သံဗူးလေးဖြစ်သည်။ မျက်နှာပြင်တွင် ချောကလက်အလုံး ပုံသဏ္ဍာန် အဖုအထစ်ကလေးသည် လက်နှင့် စမ်းကြည့်မှသိသာသည်။ ထိုဗူးလေးထဲတွင် ချောကလက် အလုံးလေးတွေပါမည် ထင်သည်။ ထိုပုံသဏ္ဍာန်ချောကလက်ဗူးမျိုး သူနှစ်ကြိမ်ဝယ်ဖူးပေမယ့် ထိုထဲက ချောကလက်လုံးလေးတွေ၏ အရွယ်အစားကို သူ တိတိကျကျ မခန့်မှန်းနိုင်သလို အရသာကိုလဲ မမှန်းဆတတ်ပါ။ သူသည် ချောကလက်များနှင့် ရင်းနှီးကျွမ်းဝင်ပါသည်။ ပိုမှန်အောင်ပြောရလျှင် ချောကလက်ဝယ်ခြင်းနှင့် ရင်းနှီးကျွမ်းဝင်ပေမယ့် ချောကလက်အရသာနှင့်တော့ လက်ရှိအချိန်ထိ အမှန်တကယ် သူစိမ်းဆန်နေဆဲဖြစ်သည်။ လွန်ခဲ့တဲ့ သုံးလက ရန်ကုန်ကို သူ အလုပ်ကိစ္စနှင့် သွားစဉ် shopping center တစ်ခုမှ ထိုဗူးလေးကို သူ ဝယ်လာခြင်းဖြစ်သည်။ စူပါမားကက်တွေ ရောက်တိုင်း သူ့ခြေလှမ်းတွေကို အဆွဲဆောင်ဆုံးနေရာမှာ ချောကလက်များထားရာ နေရာဖြစ်သည်။ အရောင်အသွေးစုံလင်သော ချောကလက်များကို သူမြင်တွေ့လိုက်ရလျှင် သူ့ရင်သည် သွေးပွက်ပွက်ဆူသလိုဖြစ်လာသည်။ သူသည် ချောကလက်တွေနှင့်ပတ်သက်လျှင် ရင်ခုန်မြန်သည်။ ဒါပေမယ့် ချောကလက်တွေကို သူမြတ်နိုးခုန်မင်စွာ စားသုံးချင်၍တော့  မဟုတ်။ ထိုသို့ ချောကလက်တွေနှင့် အကျွမ်းတဝင်ဖြစ်ခဲ့ရခြင်းမှာ သူမကြောင့်ဖြစ်သည်။ ချောကလက်မြင်တိုင်း ရင်ခုန်သံမြန်လာရခြင်းမှာလဲ သူမကြောင့်ဖြစ်သည်။
          “ကျွန်တော်တို့တွေ့ဆုံတဲ့အခါတိုင်း မ အတွက် ချောကလက်ယူလာခဲ့မယ်။”
          လွန်ခဲ့သည့် ကိုးလခန့်က ဖုန်းထဲကနေတစ်ဆင့် သူ သူမကို တိုးတိုးလေးပြောခဲ့ခြင်းဖြစ်သည်။ သူမက ချောကလက်အရမ်းကြိုက်သည်ဟု သူ သိလိုက်ရကတည်းက သူမစားမည့် ချောကလက်တွေသည် သူ ဝယ်ပေးသော ချောကလက်များပဲ ဖြစ်ရမည်ဟု တစ်ထစ်ချယုံကြည်စိတ်ချချင်ခြင်းသည် သူ၏ အဖြူရောင် အတ္တသာဖြစ်သည်။ ထိုတိုးတိတ်သော စကားတစ်ခွန်းသည် ချောကလက်သိပ်ကြိုက်သော သူမအတွက် နှလုံးသားနှင့် ပေးခဲ့သော ကတိဆိုလဲမမှား။ သူက ထိုစကားကို ဝတ်ကျေတန်းကျေ ပြောခဲ့ခြင်းမဟုတ်ပါ။ သူမအတွက် ထိုကတိစကားကို နှလုံးသားနှင့်ပဲ တည်အောင် သူကြိုးစားပါမည်။ ပြောခဲ့သောစကားအတွက် မဖြစ်မနေဆိုသည့် အခြေအနေထက် သူက နှလုံးသားနှင့် စိတ်ပါလက်ပါ ဝန်ဆောင်မှုပေးချင်ခြင်းဖြစ်သည်။ ထိုညလေးမှာ ပြောခဲ့သော စကားသည် အများအမြင်မှာ ချောကလက်နှင့် ပတ်သက်လျှင် သွေးဆူသူ၊ရူးသွပ်သူဟု ပြောရလောက်အောင် သူကပြောင်းလဲသွားခဲ့သည်။
          သူမကို ပထမဆုံးလက်ဆောင်ပေးခဲ့သော ချောကလက်ကို သူက မမြင်ဖူးခဲ့ပေ။ ဘာ့ကြောင့်လဲဆိုတော့ သူ့သူငယ်ချင်းတစ်ယောက်ကိုပဲ ဝယ်ခိုင်းပြီး သူမဆီ အရောက်ပို့ခဲ့တာဆိုတော့ သူ မမြင်ဖူးလိုက်ပါ။ ထိုချောကလက်သည် အသဲပုံလေးတွေဆိုတာပဲ အကြမ်းဖျင်းသူ သိရသည်။ ထိုချောကလက် သူမ ရပြီးချိန်မှာ သူ့ဆီ ပို့ပေးခဲ့သော မက်ဆေ့ချ်ကို သူက အခုထိ အမှတ်တရသိမ်းထားဆဲ။ ဒုတိယအကြိမ်ပေးသော ချောကလက်ကတော့ သူကိုယ်တိုင်သွားဝယ်ခြင်းဖြစ်သည်။ သူတို့မြို့လေးမှာ ချောကလက်နှင့် ပတ်သက်၍ စိတ်ကြိုက်ရွေးချယ်ရလောက်အောင် ဆိုင်များများစားစားမရှိပါ။ ထိုမရှိသည့်အထဲကပဲ အကောင်းဆုံးဖြစ်မည်ထင်သည့် ချောကလက်ကို သူမအတွက် ရွေးချယ်ပေးခဲ့သည်။ ထိုချောကလက်သည် ချစ်သူများနေ့လက်ဆောင်လဲ ဖြစ်ခဲ့ပါသည်။
          တတိယအကြိမ်ကတော့ သူမန္တလေးကို ရောက်စဉ် City Mart မှ သူ စိတ်ကြိုက်ဝယ်ခဲ့သည်။ မှတ်မှတ်ရရ ချောကလက်သိပ်ကြိုက်သော မေမေ့အတွက်ပါ သူမနှင့် အမျိုးအစားတူ ဝယ်လာခဲ့သည်။ ချောကလက်နှင့် ပတ်သက်၍ အရသာပြောရမည်ဆိုလျှင် မေမေ သူ့ပါးစပ်ထဲ အတင်းထိုးထည့်၍ စားလိုက်ရသော ထိုအရသာသည် ချိုမြပါသည်။ ထိုချောကလက် ပါးစပ်ထဲရောက်ချိန် ဖြည်းဖြည်းဝါးစားကြည့်လိုက်တော့ အထဲမှာ အစေ့တစ်မျိုးထပ်ပါသေးသည်။ ထိုတစ်ခါပဲ သူမအတွက် ပေးသော ချောကလက်ကို သူမြည်းစမ်းကြည့်ဖူးသည်။
          စတုတ္ထအကြိမ်ကလဲ သူ မန္တလေးကို သင်တန်းသွားတက်စဉ် သူမအတွက် လက်ဆောင် လှလှလေးတစ်ခုခု လူကြုံထည့်ပေးချင်ခဲ့သည်။ သူမအတွက် အသုံးဝင်မည့် ပစ္စည်းတစ်ခုရှာနေတုန်း ဖန်ဗူးလေးနှင့် ချောကလက်လုံးလေးတွေက သူ့ကို ဆွဲဆောင်ခဲ့သည်။ အထဲတွင် ရွှေရောင်အပတ်ကလေးတွေနှင့် စုစုပေါင်း ချောကလက်(၁၂)ခုသာ ပါသည်။ ထိုဗူးလေးဆီ သူ့လက်တွေ အလိုလိုရောက်သွားပြီး ချက်ချင်းပဲ သူဝယ်ဖို့ ဆုံးဖြတ်လိုက်သည်။ ထိုချောကလက်ဗူးလေးသည် သူမနှင့် တွေ့ဆုံမှု မပါဘဲ လက်ဆောင်ပေးခဲ့သော သူ့၏ ဒုတိယမြောက်ဝန်ဆောင်မှုဖြစ်သည်။
          သူမနှင့် သူ တွေ့ဆုံမှု ခပ်စိပ်စိပ်ဖြစ်လာလေ သူမရသော ချောကလက်များလဲ အရောင်အသွေး အမျိုးအစားစုံလင်လာလေဖြစ်သည်။ တခါတရံ သူမက သူပေးသော ချောကလက်များကို သူမအပေါင်းအသင်းများကို ခွဲကျွေးတတ်သေးသည်။ ထိုအခါမျိုးတွင် သူက စိတ်တိုဒေါသထွက်လာရခြင်းမှာ သူမအပေါ် သီးသန့်ထားသည့် သံယောဇဉ်နက်ရှိုင်းခြင်းကြောင့် ဖြစ်မည်။ သူမအတွက် သူ့ထံမှ ချောကလက်များသည် လိုအပ်သည်ထက် ပိုရနေ၍ စိတ်အနှောင့်အယှက်ဖြစ်မည်ကိုတော့ သူစိုးရိမ်မိသေးသည်။ ဒါပေမယ့် သူ့ရဲ့ လုပ်ဆောင်မှုတွေက အများအမြင်မှာ ခပ်ရူးရူးအပြုအမူဟု ယူဆနိုင်ပေမယ့် သူမရင်ထဲ လှိုက်လှိုက်လှဲလှဲ ခံစားရလိမ့်မည်ဟု သူက တစ်ယူသန်ယုံကြည်နေမိသည်။
           သူသည် ချောကလက်များကို စိတ်တိုင်းကျ ဝယ်တတ်ပေမယ့် သူတို့၏ အမှတ်တံဆိပ် (သို့) အမျိုးအစားကိုတော့ ဘယ်တော့မှ မမှတ်မိတတ်ပါ။ သူလွယ်လွယ်မှတ်ထားတတ်တာက ဗူးပုံသဏ္ဍာန်တွေပါ။ ထိုဗူးတွေပေါ်မှာ ပုံဖော်ထားသော ချောကလက်ပုံလေးတွေကို ကြည့်ကာ ဒီဟာကတော့ စားကောင်းမည်၊ ဟိုဟာကတော့ သိပ်စားမကောင်းလောက်ဟု အမြင်နှင့်သာ ဆုံးဖြတ်ချက်ချတတ်သည်။ ဖြစ်နိုင်မည်ဆိုလျှင် သူ သူမလက်ထဲ ချောကလက် ထည့်ပေးချိန်တွင် သူမကလဲ ချက်ချင်း မြည်းစမ်းကြည့်ကာ အရသာကတော့ ဘယ်လိုရှိတယ်ဟု သူ့ကို ပြောပြထားလျှင် ပိုအဆင်ပြေမည် ထင်သည်။ ဘယ်အမျိုးအစားကိုတော့ ကြိုက်တယ်ဟု ပြောပြထားလျှင် ပိုကောင်းမည်ဟု သူယူဆပါသည်။ ထိုအခြေအနေကိုရောက်ဖို့ သူ့ဘက်က နှစ်ပေါင်းများစွာ စောင့်ရဦးမည် ထင်သည်။
          ချောကလက်အကြောင်းပြည့်ပြည့်စုံစုံပြောဖို့ဆိုလျှင် သူနှင့် သူမ အတူတူပြောမှဖြစ်ပေမည်။ အဘယ့်ကြောင့်ဆိုသော် သူက ချောကလက်တွေ၏ ဒီဇိုင်းပုံစံ၊ဗူးပုံသဏ္ဍာန်တွေနှင့် ဈေးနှုန်းကိုသာသိသူဖြစ်ပြီး သူမကတော့ ချောကလက်တွေ၏ မတူညီသည့်အရသာကို ခွဲခြမ်းစိတ်ဖြာပြောနိုင်မည့်သူဖြစ်သည်။ သူ နှင့် သူမ၏ တွေ့ဆုံမှုအတွက် အရေးကြီးသော ဇာတ်ကောင်များဖြစ်သည့် ချောကလက်များကို သူမြတ်နိုးပါသည်။ တွေ့ဆုံခွင့်ရမှုကို ဘယ်တော့မှ အဆုံးမသတ်ချင်သော သူသည် ကိုယ်တိုင်က ချောကလက် အရသာခုံမင်လာအောင် ကြိုးစားရင်း သူမနှင့် ချောကလက်အရသာများအကြောင်း ဆွေးနွေးခွင့်ရသူ ထပ်ဖြစ်ချင်သေးသည်။
          သူလုပ်လေ့လုပ်ထရှိသည့် အကျင့်စရိုက်တွေထဲ ထပ်တိုးလာသည့်အကျင့်တစ်ခုမှာ  စူပါမားကက်တွေရောက်တိုင်း သူ့ခြေလှမ်းတွေကို ဆွဲဆောင်နိုင်သည့် သူ့သံယောဇဉ်ကို ပုံဖော်နိုင်မည့် ချောကလက်ထားရာကောင်တာများဆီသာ အရင်ဆုံး ဦးတည်မိခြင်းသာဖြစ်သည်။                                                                                                                                                                                                                                                                                                                                                                                                                                      ရိုးမြေကျ(26.1.2013,9:00PM)


Valentine Day အတွက်ရေးတတ်သလိုလေး ရေးကြည့်ထားတာ။

13 comments:

Phyu Lwin said...

သူက ေခ်ာကလက္ေတြ၏ ဒီဇိုင္းပံုစံ၊ဗူးပံုသ႑ာန္ေတြႏွင့္ ေစ်းႏႈန္းကိုသာသိသူၿဖစ္ၿပီး သူမကေတာ့ ေခ်ာကလက္ေတြ၏ မတူညီသည့္အရသာကို ခြဲၿခမ္းစိတ္ၿဖာေၿပာႏိုင္မည့္သူၿဖစ္သည္။ အဲဒီေနရာေလးမွာ ရင္ကိုထိတယ္..။ အစ္မကေတာ့ ေခ်ာကလက္မၾကိဳက္ဘူး..။ ဆီးခ်ိဳေၾကာက္လို႔ အခ်ိဳေရွာင္ရတဲ့သူဆိုေတာ့.။

khin said...

ေခ်ာကလက္ကေလးေတြကို လာေခ်ာင္းသြားပါတယ္

မိုးနတ္ၾကယ္စင္ said...

မ ေရ.......................
Valentine Day အတြက္ေရးတတ္သလိုေလး ေရးႀကည့္ထားတာကို
ညေလးလဲ ဖတ္တတ္သလို ဖတ္ၾကည္႔လုိက္ေတာ႔ ေလာေလာလတ္လတ္
ခံစားမိသြားတာက ေခ်ာကလက္အနံ႔ေလးပါပဲ :P
ႏွာေခါင္းထဲကုိ တုိး၀င္လာတယ္...သူ႔အန႔ံက အားးးးးးးးးးး ေခ်ာကလက္ေရ...
နင္ဘယ္မွာလဲ ငါနင္႔ကို စားခ်င္တယ္.....:D
စတာပါ မေရ...မ ေရးထားတာေလးက ေကာင္းပါတယ္...
အမွန္ေျပာရရင္ ညေလးလဲ ဇာတ္လမ္းပံုစံက်က်ၾကီးထက္
ခုလို ဇာတ္လမ္းမက်တက် အက္ေဆးဆန္ဆန္ရသစာေလးေတြကို
ပိုျပီး ႏွစ္သက္မိတယ္....:)
သတိရေနပါတယ္....ခ်စ္မ..
ဒီႏွစ္ ဗယ္လင္တုိင္းေဒးမွာ ခ်စ္သူနဲ႔အတူတူ ဘယ္သြားလည္ဖုိ႔
စီစဥ္ျပီးျပီလဲ Ahakhak :)
ခ်စ္တဲ႔ ညေလးမုိးနတ္

Anonymous said...

ေခ်ာ့ကလက္ အရမ္းၾကိဳက္။ dark chocolate ကိုပိုၾကိဳက္တယ္။ ဗယ္လင္တိုင္းအတြက္ေစာပါေသးတယ္ ညီမေလးရ။ ၾကည့္ရတာ ေနာက္တစ္ခုတင္ဦးမယ္ထင္တယ္။
ဗယ္လင္တိုင္းအတြက္ ဘယ္သူမွ ဘာမွ မေပးဖူးဘူး။ ( ရည္းစားလုံးဝမထားဖူးဘူးလို႕ ေၾကာ္ျငာလိုက္တာ ဟီးးး) ။
အသက္ကျဖင့္ တဝက္က်ိဳးျပီ။ ခုထိ ကားမွတ္တိုင္မွာ ေမွ်ာ္လင့္ခ်က္ကင္းမဲ့စြာနဲ႕ေစာင့္ေနရတုန္းဘဲ။

ေလးစားစြာျဖင့္
လရိပ္အိမ္

မင္းအရိပ္ said...

ကြ်န္ေတာ္ေတာ႔ ေခ်ာကလက္မႀကိဳက္ဘူးဗ်ာ
ရင္ပူသလားလုိ႔ :P

ညီလင္းႏိူင္ said...

ရိုးေၿမေလးက ေခ်ာကလက္အေႀကာင္း

ထဲထဲဝင္ဝင္ သိေနၿပီ ဆိုေတာ႔ .....

မရိုးေတာ႔ဘူး.....

အဟဲ....

ေခ်ာကလက္ သံေယာဇဥ္ေတြထဲ ေပ်ာ္ဝင္ စီးေမ်ာခဲ႔တယ္ ညီမေလး။

စံပယ္ခ်ိဳ said...

ေခ်ာကလက္ေတြေရာင္းေကာင္းေတာ႔မယ္
စစဖတ္ခ်င္းဘယ္သူ႔ဇာတ္လမ္းလဲမသိေတြးမိေသးတယ္
လရိပ္ကေတာ႔ ကားမွတ္တုိင္မွာပဲတဲ႔ ကားေစာင္႔တုန္း
ေကသီေရာ?????????????

roseayemaung said...

မရိုး....ေ၇ေခ်ာကလက္စားလို႔၇ေသးဘူး သြားပိုးကိုက္ေနလို႔.

ခ်စ္စံအိမ္ said...

ေခ်ာကလတ္ကို ၾကိဳက္တယ္လည္းမဟုတ္ မၾကိဳက္ဘူးလည္းမဟုတ္ ၀ိတ္တက္မွစိုးတာေၾကာင့္ ေရွာင္ထားရတယ္ :)

Anonymous said...

ေခ်ာကလက္အေၾကာင္းကို ဒီထက္ စံုစံုလင္လင္ေျပာျပႏိုင္မယ့္ ရက္ေလးကို ေစာင့္ေနတယ္ေနာ္ ညီမေလး ...ေခ်ာကလက္ ၀ယ္တတ္တဲ့ ေကာင္ေလးနဲ႔ေပါ့ :)

အိပ္မက္ေကာင္းကင္ said...

အေရးအသားေလးေတြကေတာ့ အတုယူစရာေကာင္းလွပါတယ္
Valentine's Day အတြက္ကိုလည္း ရင္ခုန္ေအာင္ေရးထားတာ ေတာ္ေတာ္ေကာင္းတယ္ ရိုးေျမက်ေလးေရ
ေကၽြးမဲ့သူမရွိေတာ့ ေခ်ာကလက္ပံုေလးကိုပဲ ေငးသြားတယ္ေနာ္ ဟိဟိ
ေပ်ာ္ရႊင္ႏိုင္ပါေစ
ခင္တဲ့(အိပ္မက္ေကာင္းကင္)

dragon.f4.flower said...

ေခ်ာကလက္ေတာ့ ၾကိဳကိတယ္ဗ်..ဘယ္တစ္စိတ္က ပိုေကာင္လည္းဆိုတာကို သိလို႕ရလားေနာ ျပီရင္ ခ်စ္သူကိုျပန္၀ယ္ေပးခ်င္လို႕ပါ (dragon)

Unknown said...

ေရးတတ္သလိုေရးတာကလဲ ေကာင္းလိုက္တာ။ က်ေနာ့္ကေတာ့ ေခ်ာကလက္ကိုမုန္းပါတယ္။ ဟီးးးးးးးးးးးးးးး ႀကိဳက္ဘူးးးးးးးးးးးးးး :P

Post a Comment

ဟိတ် အမယ်မယ် တိုးတိုးတိတ်တိတ်ပဲ စာဖတ်သွားဖို့မကြံနဲ့။ တခုခုတော့ ပြောခဲ့ပါဦး။